കോട്ടയം: കാരിത്താസ് എഡ്യുക്കേഷന് ഇന്സ്റ്റിറ്റ്യൂഷന്സിന്റെ മൂന്നു കോളജുകളെ ഉള്പ്പെടുത്തി ബിരുദദാന ചടങ്ങ് സംഘടിപ്പിച്ചു. കാരിത്താസ് കോളജ് ഓഫ് നഴ്സിംഗ്, കാരിത്താസ് കോളജ് ഓഫ് ഫാര്മസി, വേളാങ്കണ്ണി മാതാ കോളജ് ഓഫ് നഴ്സിംഗ് എന്നീ സ്ഥാപനങ്ങളില് നിന്നായി പഠനം പൂര്ത്തിയാക്കിയ 180 വിദ്യാര്ഥികളാണു ചടങ്ങില് ബിരുദം ഏറ്റുവാങ്ങിയത്.
ഓരോ കോഴ്സിലെയും ബെസ്റ്റ് ഔട്ട്ഗോയിംഗ്, ബെസ്റ്റ് ബെഡ്സൈഡ്, അക്കാദമിക് എക്സലന്സ് എന്നീ ബഹുമതികള് നേടിയ വിദ്യാര്ഥികളെ ആദരിച്ചു. അവര്ക്കു പുരസ്കാരങ്ങളും സര്ട്ടിഫിക്കറ്റുകളും വിതരണം ചെയ്തു.
ചൈതന്യ പാസ്റ്ററല് സെന്ററില് നടന്ന ബിരുദാന ചടങ്ങ് കോട്ടയം ആര്ച്ച്ബിഷപ് മാര് മാത്യു മൂലക്കാട്ട് ഉദ്ഘാടനം ചെയ്തു സന്ദേശം നല്കി. ഡോ. റൂബിള് രാജ് മുഖ്യാതിഥിയായിരുന്നു. കാരിത്താസ് ഹോസ്പിറ്റല് ആന്ഡ് ഇന്സ്റ്റിറ്റ്യൂട്ട് ഓഫ് ഹെല്ത്ത് സയന്സസ് ഡയറക്ടറും സിഇഒയുമായ ഫാ. ഡോ. ബിനു കുന്നത്ത്, കാരിത്താസ് എഡ്യുസിറ്റി അക്കാദമിക് ഡയറക്ടര് പ്രഫ. ഡോ. സാജന് ജോസ്, വേളാങ്കണ്ണി മാതാ നഴ്സിംഗ് കോളജ് വൈസ്പ്രിന്സിപ്പല് പ്രഫ. ഡോ. ജെയിംസ് ജേക്കബ്, മീനു ലൂക്കോസ്, വൈദികര്, സന്യസ്തര്, മാതാപിതാക്കള് എന്നിവര് പങ്കെടുത്തു.
ഫാര്മസി വിഭാഗത്തിന് ഡോ. സിസ്റ്റര് എന്.എ. ഏലിക്കുട്ടി, നഴ്സിംഗ് വിഭാഗത്തിന് പ്രഫ. സിസ്റ്റര് ലിസി ജോണ് എന്നിവര് പ്രതിജ്ഞാവാചകം ചൊല്ലിക്കൊടുത്തു.
E-paper LOGIN
LOGIN